للتواصل معنا
البريد الإلكتروني: [[email protected]]
ديريكت.. مناضلو تيكيتة "المخزن" كيصدقوا غير بياعة وخدامين سرابسية وخونة
محمد نجيب كومينة
كاينين شي مناضلين فهذا الفضاء الأزرق كلشي عندهم محسوم وعندو أجوبة كاملة بلا حاجة لطرح أسئلة و بلا بحث عن المعطيات الحقيقية المؤكدة، وبلا تريث لإنضاج موقف مبني على أسس. فيهم الطيارة الله يستر. وزيادة على هذا، والزيادة من راس اللي بعقلو، مستعدين يتهموا أي رأي مختلف معهم بتهمهم الجاهزة دائما: المخزن، بايع الماتش...، بلا ما يعرفوا واش بنادم اللي كيهضروا عليه عندو بعدا ما يبيع، واشنو غادي يبيع؟!
هذا النوع اللي كيعتبر راسو كيطير مع الطيور ومن راسو ما كتطلع وموجّد للعيْب، شفنا منو شلاّ وشفنا اللي وخّروها توخيرة بلا كرامة وبلا مبدأ وبلا أخلاق، وشفنا اللي باقي كاع ما هضروا معاه في المعتقلات وولّى جفّاف، وشفنا وشفنا، وما كيشد غير الصح.. أما الخشاش، دغيا كتجي الريح وكتشتّت ليه العرّام...
باش تكون بنفسك وبأخلاق وبمبادئ ولأجيال، خصك... النحاس... اللي دماغو فيه الخبز كتأثّر عليه العجينة، وكيولي مخو معجّن، خصوصا إذا كان يغطي على الجهل بمقولة قْراها وسمعْها، وما قادرش يفهم علاش تقالت وفاش من سياق...
عاد كاينة واحد اللعيبة ديال دوك صْحاب ماسك الجذريين اللي كيصدقوا غير بياعة ديال هنا ولا ديال شي تيرّا اخرى، يعني خدامين سرابسية وخونة...
أحاول أن أترفع، لكن بعض التافهين ما كيخليوكش، وكيجيب ليهم الله غير هما اللي كيعرفوا يخسروا الهضرة ويضربوا! وتوقيتهم عندي ليه تفسير موضوعي غادي تجي الوقت ليه، لأنني أحب أن أبدأ بطرح الأسئلة...
