للتواصل معنا
البريد الإلكتروني: [[email protected]]
عبد اللطيف أگنوش: عبد الإله بنكيران.. رجّع لمّك التقاعد غير المستحق والمسروق
عبد اللطيف أگنوش
الحاجة للي ما عمّرني نسمح فيها حتى نموت… وموحال!!!
هاذ الحاجة هي "التقاعد المسروق من عرق الموظفين المغاربة" اللي خاذو عبد الإله بنكيران، بعدما هدّد الدولة والمغاربة بتأليب الشارع على النظام السياسي المغربي، وطلب الرشوة الفلوسية باش يسكت ويمشي لدارو ويرتاح!
نقدر نسمح في كولشي...،
ونقدر نسمح لبنادم اللي خطط لقتلي وحاول وما نجحش فيه، ونگول ما كاين باس، وبنادم هاذا بعض المرات كيكفر وكيغلط وملي القضية كتخرج سالمة الله يسامح…،
ولكن أنني نشوف راسي ساهمت 43 عام في صندوق التقاعد باش يستافدوا موظفو التعليم والموظفون بصفة عامة في الأيام الأخيرة من حياتهم من شوية ديال الراحة المؤدى عنها بمقابل سنوات طوال من المساهمة،
وفي الاخر، يجي "بوعار" ديال الخلا، ويساهم فالحياة السياسية وفي صندوق التقاعد بالدرقوش وبابتزاز الدولة والملك والشعب، وياخذ سبعة دالمليون كرشوة مقابل اتقاء شره، ونكتافي أنا الموظف ديال 43 سنة، وربما أكبر منو في السن، بأقل من النصف ديال التقاعد اللي سرقو، هذا ما لا يمكن قبوله إطلاقا، إطلاقا، إطلاقا!!!
وما عمرني ما نسمح لهاذ الدجال ديال القرن الواحد والعشرين إلى أن أغادر دار الدنيا!!
وموحاااااااال واش نسمح حتى بعد الموت إذا كانت شي حياة أخروية!! وحقمولانا ومولاي بوشعيب الرداد ومولاي عبد الله بن احسين الامغاري...
