للتواصل معنا
البريد الإلكتروني: [[email protected]]
كيف تحصل على كاميرا خفية في المغرب؟
كيفاش تتعلم تصاوب كاميرا خفية في خمس ساعات بدون معلم.. إليك الوصفة:
استدعي شي فنان مغمور وقول ليه غتشارك معانا فشي لعيبة.
فاش توصلو لمكان التصوير، بداو تستفزو فيه بطريقة حامضة، هو غيكعا ويدير براسو غيمشي بحالو، واحد يبقا يقول ليه اصبر معانا الله يحفظك، بحال زعما ماكاينش قانون كينظم علاقة الفنان بمشغله، وكيرجع زعما وهو طالع ليه الدم...
كتعاود تستفزو، كيبغي هو زعما يضّارب ويبقى يسبّ، وف المونتاج كدّير ديك اللعيبة ديال "طيط" زعما راه خسّر الهضرة، كيتدخل واحد مامعروفش آش كيدير أصلا ف بلاطو التصوير، وكيقول ليه شاركتي معانا ف الكاميرا الخفية، كيدير هو براسو تأثّر، وكيبارك للناس لعواشر، وهكذا دواليك، تعاودها 30 مرة باش تحصل على برنامج رمضاني...
وفاش كتقول هاذ الشي طايح بزاف ومتخلف كيردو عليك صحاب الفز: الأذواق لا تُناقش!!!
