برلماني "جنرال" يفجرها: مهنيو مراكش طلّقوا زوجاتهم بسبب الأزمة التي ضريت قطاع السياحة

 

"الناس ديال مراكش طلقوا عيالاتهم بسبب الأزمة اللي ضربت قطاع السياحة"، هذه الجملة، التي تلخّص حجم أزمة الوضع السياحي في مراكش، فجّرها عبد الرحمان الوفا، اللي نجح في انتخابات مجلس المستشارين.
وقال الوفا، ظهر اليوم الثلاثاء 1 فبراير 2022، أمام وزيرة السياحة اللي باقا تتهجّا في الأوراق، إن الحاجة الوحيدة اللي خدامة "دْروكْ" في المدينة ديالو اللي تيترأس فيها جماعة المشور، هي محكمة الأسرة، اللي كثر فيها الطلاق. يا ربي السلامة.
البرلماني عبد الرحمان الوفا، المقرب من فاطمة الزهراء المنصوري، وزيرة الإسكان والتعمير وسياسة المدينة، وعمدة مراكش، وسمير كودار، رئيس جهة مراكش، وعادل بركات، رئيس جهة بني ملال، خلاّها مْتورخة، في ثاني ظهور له تحت قبة البرلمان.
ودابا الكرة عندك، لالة الوزيرة، خصك تدخلي في أقرب وقت، وتلقاي الحلول، باش ما يرتفعش منسوب الطلاق في مراكش، وباش ما يبقاش الوفا، الذي يلقبه كبار قادة البام بـ"الجنرال"، مقلّقْ على بنات وأولاد مدينتو، اللي دار فيهم الطلاق غزاوة بسبب الأزمة الخانقة التي يعاني منها قطاع السياحة.
برافو "مون جنرال"...