للتواصل معنا
البريد الإلكتروني: [[email protected]]
الفنان إدريس كريمي (عمي إدريس)
محمد الشوبي: عمي إدريس صديق أنيس بحال إلى لقيتي شي ربعالاف ريال وبان مولاها
محمد الشوبي
عمي إدريس صديق أنيس، يحبه الجميع، كل مرة كتلقاه بحال إلى لقيتي شي ربعالاف ريال وبان مولاها.. إدريس كريمي ما دعاش الشركة اللي دارت سميتو على الياغورت، عرفتو علاش؟ حيت هو والياغورت كيبغيوهم الأطفال، وكلشي كيبغي حلاوتهم، عطا للتنشيط للصغار أكثر من اللي خدا...
عمي إدريس صديق أنيس رددها أطفال المغرب لفترة طويلة، لو كانت الدولة تهتم بالأطفال، لكان عمي إدريس هو جاك مارتان ديالنا، وهو فعلا أكثر من جاك مارتان، لأنه كيناضل بوحدو، ما عندو السطاف اللي عند المنشط الفرنسي..
إدريس كريمي ديما فـرحلة تنشيط، مبْلي، هاز صاكو وكيدور المغرب، ممثل تارة ومنشط تارة أخرى، رغم ضعف بنيته يتحدى الأعمال، اشتغلت معه غير ما مرة، ومع العديد من كبار المخرجين والممثلات والممثلين، الطيبة والكرم من شيمه، يستطيع أن يبعث السرور في أبعد الناس عنه قبل أقربهم إليه، يفتح قلبه للجميع بسهولة، ويخفي آلامه بابتسامة لا تفارقه، هي رأس ماله، أحببته لدرجة أني أطلق عليه منشط أطفال المملكة عبر العصور، منذ محمد الخامس طفلا مرورا بالحسن الثاني طيب الله ثراهما، ثم محمد السادس، أطال الله عمره..
عمي إدريس يسأل عنك عندما تنقطع أخبارك عنه، يبحث عنك كلما سمع أنك بمدينة يزورها هو الآخر، حاجة وحدة اللي خايبة فيه، عمرك ما تبات معاه فـنفس المنزل، لأنه وهو نائم يحلم بصوت عال أنه فوق خشبة للتنشيط، والله لا نعستي...
سيدي إدريس، أحبك وأحترمك وأتمنى لقاءك دائما، يا بن المتفاني لاخُر، يا Ammi Driss II
